Qostanaılyq polıtseı álem kýbogynyń ıegeri atandy
QOSTANAI. QazAqparat – Qostanaı oblysy polıtsııa departamenti jedel qımyldaý arnaıy jasaǵynyń qyzmetkeri Reseıdiń Anapa qalasynda ótken kıkboksıngten Álem kýbogynyń chempıony atandy, dep habarlaıdy QazAqparat.
Álem kýbogyna 30-dan astam eldiń eń úzdik degen sportshylary qatysqan. Olardyń arasynda qostanaılyq Temirlan Qabıev te bar. Ol – bokstan jáne kıkboksıngten sport sheberi.
«91 kelige deıingi salmaq dárejesinde óner kórsettim. Chempıondyq jolda Reseı Federatsııasy, Túrkııa jáne Ázerbaıjannyń sportshylarymen jolyǵyp, bárinen basym tústim. Álem kýbogyna jaqsy daıyndyqpen keldim. Munda álsiz qarsylas joq, bul bizdi odan da kúshti etedi», -dep atap ótti Temirlan Qabıev.
Temirlan – Shyraqbek Qabylbaev atyndaǵy ІІM Akademııasynyń túlegi. Bıyl ol ishki ister organdarynyń qataryna keldi. Endi ony qarasha aıynyń sońynda Túrkııada ótetin álem chempıonaty kútip tur. Aıta keteıik, Temirlan Azııa chempıony ataǵyna ıe.
