Qostanaılyq polıtseı 2 balany órtten qutqaryp qaldy
QOSTANAI. QazAqparat - Rýdnyı qalasy jergilikti polıtsııa qyzmetiniń aǵa leıtenanty Aıdos Qulymbetov eki balany órtten aman alyp qaldy, dep habarlaıdy QazAqparat oblystyq ІІD baspasóz qyzmetine silteme jasap.
Jergilikti polıtsııa qyzmetiniń aǵa leıtenanty Aıdos Qulymbetov ádettegideı № 1 ýchaskelik beketke kele jatqan. Polıtsııa beketi Lenın kóshesindegi úıdiń 4-qabatynda ornalasqan.
«Aǵa leıtenant 3-qabattan shyqqan tútindi baıqaıdy. Oqıǵany jedel baǵamdaı bilgen Aıdos Qulymbetov tez arada Rýdnyı qalasy ІІB jedel basqarmasyna jáne órt sóndirýshilerge habarlasqan», - delingen ІІD baspasóz habarlamasynda.
A.Qulymbetov órt sóndirýshiler kelgenshe 3-qabatqa kóterildi. Ol tútin shyqqan páterge kirip, ábden úreılenip qalǵan 12 jáne 14 jasar eki balany kóredi. Ýchaskelik ınspektor balalardy syrtqa shyǵaryp, basqa turǵyndardy da oqshaý jerge kóshirýge kómektesti.
Aıdos Qulymbetov polıtsııa qyzmetine 2015 jyly qabyldanǵan. Qazirgi ýaqytta Rýdnyı qalalyq ІІB balalardy órtten qutqarǵan qyzmetkerdi marapatqa usyndy.
