Qostanaılyq oqýshylarǵa kompıýter alý úshin Úkimetten qarjy bólindi

QOSTANAI.QazAqparat – Qostanaı oblysynda oqýshylarǵa 9,5 myń kompıýter alý úshin Úkimetten qosymsha qarjy bólindi. Bul týraly óńirlik kommýnıkatsııalar alańynda ótken brıfıngte oblystyq bilim basqarmasynyń basshysy Záýre Báımenova málim etti, dep habarlaıdy QazAqparat.

2020-2021 oqý jylynyń birinshi toqsany aıaqtaldy. Toqsan ishinde oblys muǵalimderi aqparattyq platformalarda 1,7 mıllonnan astam sabaq ótkizip, 5 mıllıonnan astam qoldanýshy tirkeldi. Sınhrondy formatta 17 myńnan asa sabaq uıymdastyryldy.

«Qashyqtan oqytý úshin sapaly jaǵdaı jasaý úshin úkimettik rezervten 15 myńnan asa kompıýter satyp alýǵa 2,4 mlrd.teńge bólingen. Qazirgi tańda oblysqa kompıýterlik tehnıkanyń 9,5 myń tehnıka jetkizildi. 15 qarashaǵa deıin qalǵan toptama – 5538 noýtbýkty jetkizý josparda, olar oblys mektepterine tolyǵymen úlestiriledi. Qazir ata-analarmen onlaın baılanys júıesi birizdilendi. «Kámeletke tolmaǵandardyń aýtodestrýktıvti minez-qulyǵy men olarǵa qatysty turmystyq zorlyq-zombylyqtyń aldyn alý» máselesi boıynsha onlaın rejımde ata-analar jınalysy ótti. Aqparattyq platformalarmen jumys tájirıbesi ońtaılandy. Ázirleýshilermen keri baılanys retke keltirildi, anyqtalǵan qatelikter durystalýda, ózgerister engizilýde», - deıdi Záýre Báımenova.

Jıynda aıtylǵan taǵy bir jańalyq – 2021 jyldyń qyrkúıek aıynan bastap «Álippe» men «Býkvardiń» oralýy. Qostanaı oblysynda atalmysh oqýlyqtardy aprobatsııalaý úshin Rýdnyı qalasynda 1 pılottyq mektep anyqtaldy