Qostanaılyq oqýshylar jazǵy demalystaryn kıeli oryndarda ótkizedi
Búl týraly Qostanaı oblysynyń ákimi Arhımed Muhambetov óńirdegi «Rýhanı jańǵyrý» baǵdarlamasyn júzege asyrý týraly OKQ-de ótken baspasóz máslıhatynda aıtty.
«Týǵan ólkeniń tarıhy men mádenıetin zerttemeı ulttyq kodty saqtaý múmkin emes, bul - óskeleń urpaqqa patrıottyq tárbıe berýdiń negizi. Mektep oqýshylarynyń jazǵy demalysy kezinde 9 myń bala úshin tarıhı jáne kıeli oryndarǵa 600 ekspedıtsııa, 2 myń bala úshin 57 ekologııalyq-týrıstik alańdar uıymdastyrylady. Osylaısha, «Rýhanı jańǵyrý» baǵdarlamasy bilim berý men tárbıe júıesin tolyqtaı qamtyp, týǵan jerge, tarıhı muramyzǵa erekshe qurmet qalyptastyrý baǵytynda aýqymdy jumystar júrgizilýde», - dedi Arhımed Muhambetov.
Sonymen birge, ákim oblysta «Meniń Otanym - Qazaqstan» týrızm men ólketaný resýrstyq ortalyǵy qurylǵanyn habarlady. Búgingi tańda Ortalyq 20 elektrondy ekskýrsııalyq marshrýt jasap shyǵarǵan.
