Qostanaılyq oqýshy qulaǵan úı qabyrǵasynyń astynda qalyp qoıdy
QOSTANAI. QazAqparat - Qarabalyq aýdanynda buzylyp jatqan úıdiń bir qabyrǵasy qulap, astynda bala qalyp qoıdy, dep habarlaıdy QazAqparat.
Aqparatty aýdandyq bilim bóliminiń jetekshisi Dılnara Sapanova rastady. Oqıǵa 8 shilde kúni Shadysaev aýylynda bolǵan.
«Balalar buzylǵan úıdiń mańynda oınap júrgen. Ózderiniń velosıpedterin úı qabyrǵasyna tirep qoıǵan. Úılerine qaıtpaq bolǵan balalar tereze jaqtaýynda demalyp otyrady. Sol sátte qabyrǵa qulap ketken», - dedi Dılnara Sapanova.
Qulaǵan qabyrǵanyń astynda Talǵat Bekbaev esimdi oqýshy qalyp qoıǵan. Bir aıta keterligi, buzylǵan úı jábirlenýshi oqýshynyń ata-anasyna tıesili bolǵan.
Qazirgi ýaqytta Talǵat Bekbaev oblystyq aýrýhanada em alyp jatyr. Jaǵdaıy birqalypty.
