Qostanaılyq oqýshy emtıhandy boldyrmaý úshin «mekteptegi jarylǵysh zat» týraly jalǵan habar bergen
QOSTANAI. QazAqparat - Qostanaı qalasynyń №17 orta mektebine jarylǵysh zat qoıylǵany týraly aqparat faktisi boıynsha QR QK 273-babyna: «Terrorlyq akti týraly kórineý jalǵan habarlama taratý» sáıkes polıtsııa qylmystyq is qozǵady.
Búgin Qostanaı qalalyq ІІB kezekshi bólimine №17 mektepke bomba qoıyldy degen habarlama kelip tústi. Oqıǵa ornyna jedel tergeý toby shyqty. Qostanaı oblysy ІІD baspasóz qyzmeti habarlaǵandaı, 80-ge jýyq adam qaýipsiz jerge shyǵarylǵan. Jedel tergeý sharalaryn júrgizgennen keıin 9 synyp oqýshysynyń emtıhan ótpeýi úshin osyndaı áreketke barǵany belgili boldy. Qazir tergeý sharalary júrgizilýde.
Qylmystyq is qozǵalǵan baptyń sanktsııasy alty jylǵa deıin bas bostandyǵynan aıyrý jazasyn kózdeıdi.
