Qostanaılyq muǵalim «aqyldy kıiz úı» oılap tapty
QOSTANAI. QazAqparat - Nazarbaev zııatkerlik mektebiniń oqytýshysy Aleksandr Shertser eko-týrızmdi damytýdyń jańa jobasyn usyndy, dep habarlaıdy QazAqparat tilshisi.
A.Shertser kıiz úılerge kún batareıalaryn ornalastyryp, shalǵaı aýyldarǵa elektr júıesin jetkizýdi usynady. Búginde baǵdarlamany alys aýdandarǵa júrgizýdiń jospary daıyn tur. Mundaǵy basty erekshelik - kıiz úıge kiriktirilgen kún batareıalary bultty kúni de, qys mezgilinde de jumys isteı beredi. Qarjy máselesi sheshilse, jańa jobany ári qaraı óristetýge bolady deıdi ol.
««Aqyldy kıiz úıdiń» alǵashqy nusqasy da daıyndaldy. Kún batareıalary arqyly kıiz úıge elektr jelisi tartylady. Al toq kúshin uıaly telefondaǵy Bluetooth-qondyrǵy arqyly azaıtyp-kóbeıtýge bolady. Bul kıiz úılerdi Naýryzym qoryǵyna qoıyp, oblys eko-týrızminiń damýyna úles qosar edik», - dedi týyndy avtory.
Aleksandr Shertserdiń osydan eki jyl buryn múmkindigi shekteýli jandarǵa arnap «aqyldy bas kıimniń» úlgisin jasaǵan. Kózi nashar kóretinder «aqyldy bas kıim» arqyly aldynda kezdeser kedergilerdi bilip otyrady. Bas kıimdegi arnaıy tetikter belgili bir qashyqtyqta dabyl belgisin beredi.
