Qostanaılyq membaǵdarlamamen tıgen páterinen ajyrasqan kelinshegin shyǵarý úshin sotqa júgindi
ASTANA. QazAqparat - Shaǵymdanýshy S. óziniń burynǵy jubaıy M-ny jáne onyń birinshi nekeden týǵan 10 jastaǵy qyzyn páterden shyǵarý týraly shaǵymymen Qostanaı qalalyq sotyna júgingen.
Olar «Jas otbasy» memlekettik baǵdarlamasy boıynsha quramy 4 adamnan turatyn januıa retinde Qostanaıdan 2 bólmeli páter alǵan. Memlekettik «Qol jetimdi baspana - 2020» baǵdarlamasy aıasynda jas otbasyna páter jasalǵan kelisim-shartqa saı bolashaqta satyp alý quqymen jalǵa berilgen.
Erli-zaıyptylar aǵymdaǵy jyldyń mamyr aıynda ajyrasqanymen, kámelettik jasqa tolmaǵan eki balasy bar ana sol úıde turyp jatqan. Al azamat S. burynǵy áıelin jáne onyń qyzyn úıden shyǵarýǵa, al ortaq balalaryn ózimen qaldyrýǵa sotqa shaǵym jazǵan.
Іsti sotta qaraý nátıjesi boıynsha, sot shaǵym qanaǵattandyrylýǵa jatpaıdy degen sheshim shyǵardy. Atalǵan baspana tek talapkerge emes onyń otbasy múshelerine de teń dárejede berilgen.
Sondaı-aq, sot jas balalardyń quqyǵyn, olardyń anasymen fızıologııalyq baılanysyn jáne de basqa baspananyń joqtyǵyn eskerdi.
Sot shaǵymdy qanaǵattandyrýsyz qaldyrdy.
Sheshim zańdy kúshine engen joq.
