Qostanaılyq mekeme buzylǵan káriz úshin qomaqty aıyppul tóleıdi
QOSTANAI. QazAqparat - «Qostanaı-Sý» kommýnaldyq mekemesine tıesili káriz jelisi buzylyp, jergilikti ýchaskelerdiń birine aıtarlyqtaı shyǵyn keldi, dep habarlaıdy QazAqparat tilshisi.
«Qostanaı-Sý» mekemesiniń baspasóz hatshysy Maııa Aqbasovanyń sózine qaraǵanda, 12 maýsym kúni ýchaskelerdiń birinde apattyq jaǵdaı tirkelgen.
«Apat oryn alǵan ýchaskedegi aǵashtardy kesýge ruqsat alyp, tehnıkalardy jetkizgenshe káriz jelisi buzylyp, 5 tekshe metrden astam aýmaq búlindi. Apat orny birden retke keltirildi. Aýmaqty tazartý úshin hlorly ák paıdalanyldy. Ábilsaı saıyna túsken kanalızatsııalyq aǵyndar Tobyl ózenine jetpedi»,-dedi M. Aqbasova agenttik tilshisine.
Degenmen, ýchaskege keltirilgen zalal úshin mekeme 1,5 mıllıon teńge aıyppul tóleıdi. Qazirgi ýaqytta temirmen qaptalǵan eski qubyr jelisi bolattan jasalǵan qubyrǵa aýystyryldy. Ázirge bul aýmaqta kúrdeli jóndeý jumystary júrgizilmeıdi.
