Qostanaılyq qutqarýshylar janyp jatqan úıden áıeldi alyp shyqty
QOSTANAI. QazAqparat – Qostanaı oblysynda órt sóndirýshiler janyp jatqan úıden áıeldi qutqaryp qaldy, dep habarlaıdy QazAqparat.
Oblystyq Tótenshe jaǵdaılar departamentiniń baspasóz qyzmetinen málim etkendeı, oqıǵa Lısakov qalasynyń №1 shaǵyn aýdanyndaǵy kópqabatty úıde bolǵan. Oqıǵa ornyna arnaıy tehnıka men 6 órt sóndirýshi jumyldyryldy.
«Órt týraly habar saǵat 23:39-da tústi. Gaz-tútinnen qorǵaý qyzmeti jetkende úıdiń úshinshi qabatyndaǵy páterden tútin shyǵyp jatqan. Qutqarýshylar órt shyqqan páterdiń esigin asha almaı, buzyp kirýge sheshim qabyldady. Solaı edende jatqan áıeldi baıqaǵan. Ony arnaıy baspaldaq arqyly tómenge túsirip, dárigerlerge tapsyrdy», - delingen TJD-nyń habarlamasynda.
Aldyn ala boljam boıynsha, úı ıesi otty abaısyz qoldanǵan. Naqty sebepteri men shyǵyndar anyqtalýda.
