Qostanaılyq qutqarýshylar qoldan jasalǵan salmen júrgen balalardy ata-analaryna qaıtardy
ASTANA. QazAqparat - Qostanaı oblysynda Soltústik óńirlik aeroutqyr jedel qutqarý jasaǵynyń qutqarýshylary sýǵa shomylý maýsymynyń basynan bastap 165 astam reıd júrgizdi.
Kún saıynǵy reıd oblystyń jabdyqtalǵan jáne baqylaýsyz jaǵajaılarynda júrgiziledi. Qalada jáne oblysta sýǵa túsýge arnaıy jabdyqtalǵan oryndardyń bolýyna qaramastan, kópshilik turǵyndar bólektenip, sýǵa túsýge arnaıy jabdyqtalmaǵan oryndarda jáne qutqarýshy - jasaqshylarmen kúzetilmeıtin oryndarda sýǵa shomylǵandy jón kóredi.
Qutqarýshylar turǵyndarǵa qaýipsizdik sharalaryn túsindirip, 1 250-den astam keńes berildi, jaǵajaıda 3 myńdaı paraqshalar men jadnamalar taratyldy.
Kún saıynǵy reıdtik is-sharalar barysynda sýaıdynynda úlkenderdiń qaraýynsyz júrgen balalarda bar. Beıtanys sýaıdynynda eresekterdiń baqylaýynda bolǵan bala da sýǵa batyp ketýi múmkin. Jaǵada demalyp ata-analarymen jatqan eki bala sýǵa shomylamyz dep, sý astyndaǵy shuńqyrǵa túsip ketken, ata-analary bir balany ǵana qutqaryp kaldy.
10 shildede qutqarýshylar taqtaıdan qurastyryp qoldan jasalǵan saldan tórt balany túsirip alyp, ata-analaryna qaıtardy.
Sýǵa túsý maýsymynda qutqarýshylar mas kúıdegi úsh jasóspirimdi úılerine jetkizip jáne ata-analaryna tabystady. Quqyqqorǵaý organdarymen birlesip jasóspirim balalardyń ata-analarymen profılaktıkalyq áńgimelesý júrgizildi.
Júrgizilgen jumystarǵa qaramastan, jyldyń basynan bastap oblysta 3 bala sýǵa ketti, barlyq jaǵdaılar ata-analardyń salǵyrtyǵynan bolǵan.
Qutqarýshylar azamattardan jaǵajaıda jáne sýda qaýipsizdik erejelerin saqtaýdy suraıdy, balalarǵa sýaıdynynda qaýipsizdik erejesin buzý kezinde olarǵa qandaı qaýip tónetinin eskertken óte mańyzdy.
