Qostanaılyq qutqarýshylar qar qursaýynan 200-ge jýyq kólikti shyǵardy
QOSTANAI. QazAqparat - Qostanaı oblysynyń joldarynda 200 kólik ıesi boran saldarynan qar qursaýynda qaldy, dep habarlady «QazAqparat» HAA tilshisi.
Olarǵa kómekke Soltústik óńirlik aeromobıldi jedel-qutqarý jasaǵynyń qyzmetkerleri keldi. Jasaq basshysy S. Shmıdtiń aıtýynsha, bul kúnderi boran saldarynan 200-deı kólik kepteliste turyp qaldy. Qyzmetkerler jol talǵamaıtyn kólikpen adamdardy evakýatsııalady.
«Oktıabrskıı kentiniń janynda aýyr jaǵdaı qalyptasty. «Kamaz» kómegimen qar qursaýynan 7 kólik qutqaryldy, - dedi S. Shmıdt. - Kólikter ishindegi 12 adam evakýatsııalandy.
Eske salsaq, qatty boran saldarynan Áýlıkól ortalyǵynan Aqmola oblysy shegine deıingi ýchaskede «Qostanaı-Áýlıekól-Surǵan» jolynda kólik qozǵalysy toqtatylǵan.
