Qostanaılyq qutqarýshylar boranda joǵalǵan aǵaıyndylardy tapty

QOSTANAI. QazAqparat – Qostanaı oblysy B. Maılın aýdanynda qutqarýshylar boranda joǵalyp ketken aǵaıyndylardy taýyp, úılerine jetkizdi, dep habarlaıdy QazAqparat tilshisi.

19 qarashada B. Maılın aýdany Pavlov aýyldyq okrýginde 1973 jáne 1980 jylǵy eki er adam joǵalyp ketti. Týystarynyń aıtýynsha, aǵaıyndylar tańerteń joǵalǵan malyn izdeýge shyqqan.

«Saǵat 23:29-da jedel qutqarý jasaǵy Qostanaı qalasynan Pavlov aýylyna deıin 180 shaqyrym jol júrip, iz-túzsiz joǵalǵandardy izdeýge kirisken. Qutqarýshylardyń aıtýynsha, er adam kentten 8 shaqyrym jerdegi Vıkentevka aýylyna qaraı bet alǵan. Qutqarýshylar 20 qarasha kúni 04:55-te eki er adamdy tapty. Olardyń qatty tońǵanyn kórip, qutqarýshylar mashınaǵa otyrǵyzyp, jylytqan jáne tamaq bergen», - dedi TJD-dan.

Tabylǵandardyń biri úıge qaıtatyn joldy bilgen, biraq boran qatty soǵyp, olar tońyp qalǵan. Eshkim zardap shekken joq.

TJD-dan tótenshe jaǵdaıǵa tap bolǵan azamattardyń «101» nemese «112» nómirlerine baılanysý keregin eskertedi.

Avtory: Janna Musabaeva