Qostanaılyq qutqarýshylar adasyp ketken eki azamatty taýyp aldy

QOSTANAI. QazAqparat - Qostanaı oblysynda polıtsııa qyzmetkerleri men qutqarýshylar traktormen dalada adasyp ketken eki turǵyndy tapty, dep habarlaıdy QazAqparat.

31 jeltoqsan kúni saǵat 16.00 shamasynda Qamysty aýdanynyń Svobodnoe kentiniń eki turǵyny osy aýdannyń Drýjba kentine traktormen baǵyt alǵan. Olar joldy qysqartamyz dep sheshim qabyldap, dalaly jermen júrgen. Nátıjesinde, traktordyń dońǵalaǵy jarylǵan.

«Bul aýmaqta uıaly baılanys bolmaǵan. Joǵalyp ketkenderdiń týystary jaqyndary baılanysqa shyqpaǵan soń dabyl qaqqan. Osydan keıin Qamysty polıtsııa bóliminiń ýchaskelik polıtsııa ınspektory Marat Aıapov pen Nurbolat Zarlyhanov izdeýge shyqty. Olar joǵalǵan adamdardy taýyp, TJ qyzmetkerleriniń kómegimen dalda qalǵandardy evakýatsııalady.

Qutqarý operatsııasy 2023 jyldyń 1 qańtarynda saǵat 11.00-de aıaqtaldy», - dep jazdy aımaqtyń polıtsııa departamentinen.

Qutqarylǵan Azamat Sháripov pen Beıbit Kartanbaev polıtsııaǵa jáne qutqarýshylarǵa kórsetken kómegi úshin alǵys bildirdi.

Aıta keteıik, buǵan deıin Qostanaıda qubyr jarylyp, 8 turǵyn úı jylýsyz qalǵanyn jazǵan bolatynbyz.