Qostanaılyq kýrsanttar taýyp alǵan jarty mln teńgeni ıesine qaıtaryp berdi
QOSTANAI. QazAqparat - Shyraqbek Qabylbaev atyndaǵy ІІM Qostanaı akademııasynyń kýrsanttary taýyp alǵan ámııandy ıesine qaıtardy, dep habarlaıdy «QazAqparat» HAA tilshisi.
Polıtsııa maıory Erbolat Qaınar men polıtsııa kapıtany Nurdáýlet Myrzazııaev aýladan ishinde qomaqty somasy bar ámııan taýyp alǵan.
«Qazirgi zamanda túrli oqıǵalardy estip jatyrmyz ǵoı. Sol sebepti, bastapqyda biz ony alýǵa jasqandyq. Degenmen, aqyldasa kele ámııandy ashyp, ishindegi qujattardy kórdik. Sondaı-aq, onda 500 myń teńgeden astam aqsha boldy. Osylaısha, ámııannyń ıesin izdestire bastadyq», - dedi Nurdáýlet Myrzazııaev.
Aıta keteıik, bolashaq polıtseıler qomaqty soma men qujattardyń ıesin ǵalamtor arqyly tapty. Kezdesý ornyn belgilep, barlyq qujatty, qarajatty tıesili adamyna qaıtarǵan. Óz kezeginde ámııannyń ıesi kýrsanttarǵa jáne akademııa ujymyna alǵysyn bildirdi.
