Qostanaılyq konkıshi Olımpıadanyń eki joldamasyn utyp aldy

QOSTANAI. QazAqparat - Qostanaılyq konkımen júgirý sheberi Denıs Kýzın Ońtústik Koreıanyń Phenchhan qalasynda ótetin Olımpıada oıyndaryna joldama aldy, dep habarlaıdy QazAqparat tilshisi.

Halyqaralyq konkıshiler odaǵy 2018 jylǵy Olımpıada oıyndaryna baratyn sportshylar tizimin jarııalady. Іrikteý qorytyndysy boıynsha, Qazaqstan quramasy toǵyz joldama jeńip aldy. Al qostanaılyq Denıs Kýzınde eki joldama bar. Ol 1000 jáne 1500 metrge júgiredi.

«Men qoldan kelgenshe, el abyroıyn asqaqtatýǵa tyrysamyn. Árıne, Olımpıadaǵa kileń myqtylar keledi. Biraq, bizdiń elde de qysqy sport túrleri damyǵan. Muny dáleldeý bizdiń qolda», - dep jazdy sportshy Instagram paraqshasyna.

Kýzınnen bólek, álemdik dodaǵa baratyndardyń qatarynda Ekaterına Aıdova, Fedor Mezentsev, Roman Krech, Stanıslav Palkın syndy tanymal konkıshiler bar.

Aıta keteıik, Kýzın, Krech jáne Aıdova Sochı men Vankýverde ótken Olımpıada oıyndaryna qatysqan.