Qostanaılyq komanda fýtzaldan QR chempıonatynda jeńiske jetti
QOSTANAI. QazAqparat – Qostanaıdyń «Allur» komandasy fýtzaldan Qazaqstan Respýblıkasynyń chempıony atandy, dep habarlaıdy QazAqparat tilshisi.
Mereke kúnderi elordada ótken Qazaqstan Respýblıkasynyń VI chempıonaty osy sport túrinen úzdik ókilderdiń basyn qosty.
Qostanaılyq komanda fınalǵa jetkenshe kelesi komandalarmen kezdesti: «Beıneý» (Mańǵystaý) – 10:1; «Beket» (SQO) – 4:4; «Korkem-Kazaly» (Qyzylorda) – 5:4; «Tulpar» (Pavlodar) – 8:2; «Jiger» (Atyraý) – 7:3; «Qaısar Plaza» (Almaty) – 4:1; «Bıosfera» (Qaraǵandy) – 2:2, penaltı boıynsha 5:4.
Fınaldyq kezdesýde TChE-14 (Qaraǵandy) pen «Allur» (Qostanaı) arasynda tartysty jekpe-jek ótip, Alekseı Zabogonskıı jalǵyz jeńis golynyń avtory atandy.
Chempıonattyń úzdik oıynshysy bolyp Ashat Taıbasarov (Allur) atandy.
