Qostanaılyq kólik júrgizýshiler respýblıkalyq fleshmobqa ún qosty

QOSTANAI. QazAqparat - Qostanaılyqtar óńirlerdegi jańajyldyq avtofleshmobqa qosyldy, dep habarlaıdy QazAqparat.

Qostanaılyq kólik júrgizýshiler respýblıkalyq fleshmob týraly áleýmettik jelilerden kórgen. Uıymdastyrýshylardyń aıtýynsha, jańa jyldyq fleshmobqa barlyǵy 40 shaqty kólik qatysqan.

"Instagram jelisindegi fleshmobty qoldaýǵa nıet bildirdik. Osylaısha, óz kólikterimizben qaladaǵy úlken shyrshany "qurastyrdyq", - deıdi fleshmob qatysýshysy Dýlat Qabataıuly.

 Eske sala keteıik, bıyl mundaı qyzyqty  fleshmobty eldiń birneshe qalasynda uıymdastyrdy.