Qostanaılyq kelinshek 25 kúnnen beri izdestirilýde
QOSTANAI.QazAqparat – Qostanaı oblysynyń Polıtsııa departamenti 31 jastaǵy áıelge izdeý saldy, dep habarlaıdy QazAqparat.
Polıtsııanyń baspasóz qyzmetinen málim etkendeı, 1989 jyly týǵan Nadejda Sılagına 29 shilde kúni Qostanaıdaǵy úıinen shyǵyp ketken. Sodan beri týǵan-týystary Nadejdadan habar almaı otyr.
«Qostanaı qalasy polıtsııa basqarmasynyń «Ońtústik» bólimi Sılagına Nadejda Fedorovnaǵa izdeý saldy. Qazirgi ýaqytta onyń naqty mekenjaıy belgisiz», - dedi polıtsııadan.
Polıtsııa joǵalyp ketken áıel týraly málimetterdi jarııalady. Boıy – 175 sm, aryq deneli, shashy qara tústi, ıyqqa deıin túsken, kózderi ashyq tústi, tik muryn. Úıinen shyqqanda ústine qara-aq tústi fýtbolka, kók tústi djınsy, qara aıaq kıim bolǵan.
Qandaı da bir aqparatty kelesi telefondar boıynsha habarlaýǵa bolady: 8-701-708-46-75, 8-747-655-21-63, 8-(7142)-52-68-61 nemese 102.
