Qostanaılyq qaıyrymdy jandar kópbalaly ananyń úıin jóndep berdi

QOSTANAI. QazAqparat – Búgin Qostanaı qalasynyń Qobylandy batyr dańǵylynda kóp qabatty jańa úı paıdalanýǵa berildi. «Nurly jer» baǵdarlamasy aıasynda salynǵan 60 páterli baspanaǵa kóp balaly analar, jetim balalar jáne kezekte turǵan azamattar ıe boldy, dep habarlaıdy QazAqparat.

Baspanaly bolǵandardy qýanyshyna oblys ákimi Arhımed Muhambetov te ortaqtasty.

«Nurly jer» baǵdarlamasy aıasynda bıyl 330 myń sharshy metr turǵyn úıdi paıdalanýǵa berýdi josparlap otyrmyz. Bul 2018 jylmen salystyrǵanda 10 paıyzǵa joǵary. Al 8 aıdyń qorytyndysy boıynsha, 231 myń sharshy metr turǵyn úı halyq ıgiligine buıyrdy. Turǵyn úı qurylysy jumystary jalǵasa beredi», — dedi oblys ákimi Arhımed Muhambetov quttyqtaý sózinde.

Óńir basshysy 12 kóp balaly otbasyǵa, 15 jetim balaǵa, sondaı-aq baspana kezegindegi bıýdjettik uıym ókilderi men memlekettik qyzmetshilerge páter kiltterin tabys etti.

Oblys ákimi kópbalaly ana Gaýhar Jańabergenovanyń úıine arnaıy bardy. Ol 6 balasyn jalǵyz baǵady. Buǵan deıingi úıi qulaýǵa shaq qalǵan-dy. Aınalasy eki aıdyń ishinde «Syl» JShS jalǵyzbasty ananyń úıin tolyqtaı jóndep berdi.

«Jaǵdaıymyzǵa kóńil burǵan ákimdikke, óz qarajatyna úıimdi qaıtadan salyp berip, tolyqtaı turmystyq tehnıkamen, jıhaz-múlikpen qamtyǵan seriktestik basshysyna alǵysymyz sheksiz! Bul 1 ul, 5 qyz tárbıelep otyrǵan men sekildi anaǵa kórsetilgen orasan zor kómek!» – deıdi ol.