Qostanaılyq kásiporyn jumysshylaryna 24 mln teńge qaryz
QOSTANAI. QazAqparat - Jyl basynan beri Qostanaı kásiporyndary óz qyzmetkerlerine 50 mıllıon teńgeden astam qaryz. Bul týraly búgin ákimdikte ótken keńes barysynda oblys ákiminiń orynbasary Marat Júndibaev málim etti, dep habarlaıdy QazAqparat.
Ótken jyly oblystyń memlekettik eńbek ınspektsııasynyń jumys nátıjesi boıynsha 2680 qyzmetkerdiń aldyndaǵy 187 mln teńge kóleminde jalaqy qaryzy óndirildi. Jalpy, daǵdarysqa qarsy shtabtyń jumysy aıasynda eńbekaqy boıynsha 7 myń qyzmetkerdiń jalaqysy qaıtaryldy. Bul soma 485 mln teńgege jetti.
«Osy jyly tıisti sharalardyń arqasynda jalpy somasy 32 mln teńgeden astam jumysshy jalaqysy óteldi. Aıta ketý kerek, 2019 jyldyń basynan «Álibı-Senim» JShS 226 qyzmetkerine qaryz. Búginde bul qarajat 13 mln teńgeden asqan. Taǵy sondaı «Nıva-Uzynkól» seriktestiginiń qaryzy 8,1 mln teńgege esepteldi. Qazir 106 jumysshy tıisti eńbekaqysyn ala almaı júr. Al «Sokol-Agro» JShS 5,1 mln teńge qaryz bolsa, «Zolotoı - Kolos» JShS bereshegi tipti 24 mln teńgeden asyp jyǵyldy»,- dep málimet berdi M. Júndibaev.
Belgili bolǵandaı, ótken jyly ózge qaladan kelgen jumys berýshiler tarapynan oblystyń jaldamaly jumyskerlerine qatysty jalaqy tóleý boıynsha problemalar týyndaǵan. Mysaly, oblys aýmaǵynda memlekettik tapsyrys sheńberinde qurylys-montaj jumystaryn oryndaǵan kókshetaýlyq «Insekt» JShS qostanaılyqtarǵa aqsha tólemegen.
«Aýdan-qala ákimderi jalaqyny tólemeýge baılanysty eńbek jaǵdaılaryn retke keltirýi tıis. Qajet jaǵdaıda ár kásiporyndaǵy ahýalǵa turaqty negizde monıtorıng júrgizý tapsyrylady. Sondaı-aq, jalaqy boıynsha bereshektiń paıda bolýyn boldyrmaý jáne jalaqyny ýaqytyly tóleý úshin iri kásiporyndarmen, aýyl sharýashylyǵy taýarlaryn óndirýshilermen, sharýa qojalyqtarynyń basshylarymen tıisti qarjy rezervin qurý boıynsha tıisti jumys júrgizý qajet»,- dep tapsyrdy oblys ákiminiń orynbasary.
