Qostanaılyq kásipkerlerdi bopsalap kelgen buzaqylar ustaldy
QOSTANAI. QazAqparat - Tártip saqshylary Qostanaıdaǵy ortalyq bazar aýmaǵynda kásipkerlerdi qorqytyp, aqsha alyp kelgen eki buzaqyny ustady, dep habarlaıdy «QazAqparat» HAA tilshisi.
Oblystyq ІІD uıymdasqan qylmysqa qarsy kúres basqarmasynyń qyzmetkeri Rýslan Ramazanovtyń sózinshe, 22 jáne 27 jastaǵy oblys turǵyndary bir jyl boıy kásipkerlerdi qorqytyp, olardan 500 myń teńge kóleminde aqsha alǵan.
«Kúdiktiler Skladskaıa kóshesindegi bazardaǵy saýdagerdi qorqytyp, aqsha bopsalaǵan. Olar bul áreketterin bir jyl boıy jasap otyrǵan. Esesine buzaqylar saýdagerge «krysha» bolýǵa ýáde etti. Bul ekeýi ortalyq bazar mańynda 100 myń teńge alyp jatqan kezde qolǵa tústi», - dedi R. Ramazanov.
Qylmyskerlerdiń buryn sottalǵany belgili boldy. Vedomstvo málimetinshe, budan basqa birneshe aqsha bopsalaý faktisi tirkeldi. Qazir polıtseıler sotqa deıingi tergeý amaldaryn júrgizýde.
