Qostanaılyq kásipkerler KVI synamasyn óńdeıtin jańa zerthana ashyp berdi
QOSTANAI.QazAqparat – Qostanaı oblysynda taǵy bir jańa zerthana óz jumysyn bastady, dep habarlaıdy QazAqparat oblys ákimdigi janynan qurylǵan jedel shtabqa silteme jasap.
Óńirde KVI saraptamasy 4 zerthanada júrgizilip kelgen-di. Olardyń úsheýi «Ulttyq saraptama ortalyǵy» fılıalynda bolsa, endi biri «Olımp» klınıkalyq-dıagnostıkalyq zerthanasynda júzege asqan. Bul zerthanalardyń bir táýliktegi qýaty 1300 synama alýǵa jetetin.
«Óńirde KVI synamasyn alatyn taǵy bir jańa nysan ashyldy. Osylaısha, oblysta bir kúnde 2000 synamaǵa saraptama júrgizýge múmkindik bar. Jańa zerthanany ashýǵa jeke kásipkerler atsalysty. Olar bas-aıaǵy 43 mln teńge jınap berdi. Onyń ishinde 29 mln teńgege KVI zertteý úshin jańa zamanaýı jabdyqtar satyp alyndy. Sondaı-aq, 14 mln teńge somasyna arnaıy reagentter satyp alyndy, bul zerthananyń qýatyn birneshe esege arttyrýǵa múmkindik berip, zerthanalyq zertteýlerdiń barlyq protsesi avtomattandyryldy», - delingen shtab habarlamasynda.
Jańa zerthananyń ashylýy ýaqyt únemdeýge jol ashyp otyr. Osyǵan deıin bir synamanyń saraptamadan ótýine 1,5 saǵattan kóp ýaqyt ketse, qazir ol 15-20 mınýtqa deıin qysqardy.
