Qostanaılyq kásipkerler aýrýhanalarǵa medıtsınalyq qurylǵylar taratyp jatyr
QOSTANAI.QazAqparat – Qostanaı oblysynyń ákimi Arhımed Muhambetov koronavırýstyq ınfektsııaǵa qarsy kúreste kómektesip jatqan jeke kompanııalar men kásipkerlerge alǵys aıtty, dep habarlaıdy QazAqparat.
Arhımed Muhambetov medıtsınalyq qural-jabdyqtardy jeke qarajatyna satyp alyp jatqan kompanııalardyń eńbegin atap ótti.
Onyń aıtýynsha, «Polımetall» kompanııasy COVID-19-ǵa qarsy kúreste turaqty negizde demeýshilik kómek kórsetip keledi.
«Oblystyń medıtsınalyq uıymdary úshin kompanııa qarajaty esebinen jeke qorǵanysh quraldary, pýlsoksıometrler, ottegi kontsentratorlary, uıymdastyrý tehnıkasy jáne t. b. satyp alyndy. Jaqynda Jitiqara aýdandyq aýrýhanasy úshin 9 mln teńgeden astam somaǵa 100 pýlsoksımetrler men 10 ottegi kontsentratory jóneltildi. Sondaı-aq, kelesi aptada 20 mln teńgege medıtsınalyq jabdyqtar jetkiziletin bolady. Sonymen qatar, mamyr aıynda kompanııa qarajaty esebinen PTR-testileýdi ótkizý úshin quny 20 mln teńge bolatyn zerthanalyq jabdyqtar satyp alyndy. Kompanııa basshylyǵna KVI-men kúreske ýaqytyly jáne qajetti kómek kórsetkeni úshin shyn júrekten alǵys aıtqym keledi», - dep jazdy aımaq basshysy áleýmettik jelide.
Óńir basshysy turǵyndarǵa qaýipsizdik sharalaryna uqypty bolýǵa jáne lokdaýn tártibi kezinde úıden shyqpaýǵa shaqyrdy.
