Qostanaılyq kásipkerler 8 kópbalaly otbasyna páter alyp berdi
Qabyldaýǵa qalalyq ákimshilik ókilderi men «Turǵyn úı qurylys jınaq banki», «Qarjylaı qoldaý qory» mamandary qatysty. Kómek suraı kelgen analardyń qatarynda Natalıa Okýnevıch te bar. Ol - 4 balanyń anasy. Degenmen, Natalıa Okýnevıch osy ýaqytqa deıin turǵyn úı kezeginde «Kópbalaly ana» sanatyna aýysa almaı kelgen. Endi partııa hatshysynyń arqasynda máseleniń oń sheshimi tabyldy. Turǵyn úı komıssııasynyń sheshimimen ol kópbalaly analardyń sanatyna qosyldy. Sondaı-aq, oǵan baspanaly bolýdyń tetikteri túsindirildi. Ári partııa hatshysy azyq-túlik dorbasyn tabys etti.
Alty balanyń anasy Janyl Jaqypova kópbalaly analar úshin tis dárigerinde tegin emdelý qajettigin alǵa tartty. Ol oblys ortalyǵynda aqysyz saýyqtyrý keshenin salýdy suraıdy. Onyń ótinishi qaralyp, Qostanaı qalalyq jumyspen qamtý men áleýmettik baǵdarlamalar bólimine barý usynyldy. Kópbalaly anaǵa bir rettik tegin kómek alýǵa bolatyny aıtyldy.
Farhad Qýanǵanovtyń oblystaǵy jumys sapary Taran aýdanynda jalǵasty. Ol partııanyń Taran aýdandyq fılıalynyń depýtattyq fraktsııasynyń keńeıtilgen otyrysyna qatysyp, aýdannyń áleýmettik-ekonomıkalyq damý qarqynymen tanysty.
Taran aýdandyq fılıaly tóraǵasynyń birinshi orynbasary Aınash Dadanova óńirde «Baqytty otbasy», «Halyqqa kómek» partııalyq jobalary aıasynda aýqymdy jumystar iske asyp jatqanyn aıtty. Máselen, jyl basynda aýdanda 9 kópbalaly otbasy baspanaǵa muqtaj bolǵan edi. Alaıda, kásipkerlerdiń demeýshilik tanytýymen búginde onyń 8-i turǵyn úıge qol jetkizdi.
Partııa hatshysy taıaýda ǵana demeýshilerdiń qoldaýymen baspanaly bolǵan kópbalaly otbasy Qanabaevtardyń shańyraǵynda bolyp, jaǵdaılaryn bildi. Óz kezeginde kópbalaly otbasy Elbasyna, partııalyqtardyń atqaryp jatqan jumystaryna rızashylyqtaryn jetkizdi.
Sapar sońynda Farhad Qýanǵanov S.Erǵalıev atyndaǵy orta mektepke atbasyn buryp, ondaǵy «Tegin ІT- synyp» jobasynyń jumysymen tanysty. Bul bastama partııalyq joba aıasynda qolǵa alynǵan-dy. Munda 60-tan astam oqýshy bilim alady.
