Qostanaılyq ishimdik bermegen kórshisin óltirip tastady
QOSTANAI. QazAqparat - Áýlıekól aýdany Amanqaraǵaı aýylynda 28 jastaǵy er adam zeınetkerdi óltirip, úıin órtep jibergen, dep habarlaıdy QazAqparat oblystyq ІІD baspasóz qyzmetine silteme jasap.
«1 qańtar kúni polıtseıler Beıbitshilik kóshesindegi úıdiń órtenip jatqany týraly aqparat aldy. Órtengen úıdiń ornynan aıaýsyz óltirilgen 76 jastaǵy áıeldiń denesi tabylǵan. Jedel-iz kesý sharalary nátıjesinde 28 jastaǵy kúdikti ustaldy. Ol zeınetkerdiń kórshisi bolyp shyqty», - delingen ІІD baspasóz habarlamasynda.
Belgili bolǵandaı, kúdikti 76 jastaǵy kórshisine kelip, ishimdik suraıdy. Keıin zeınetkerdi býyndyryp óltiredi. Buǵan qosa úıden «Samsung Galaxy Grand Neo» jáne «Samsung Galaxy J1» markaly uıaly telefondardy qoldy qylǵan. Qylmysyn jasyrý úshin úıin órtep jibergen.
Atalǵan fakt boıynsha QR QK «Kisi óltirý» jáne «Urlyq» baptarymen tergeý sharalary júrgizilip jatyr.
