Qostanaılyq fýtbolshylar Rýmynııanyń "Gaz Metan" komandasymen joldastyq kezdesý ótkizedi
ALMATY. 7 aqpan. QazAqparat /Erlik Erjanuly/ - Búgin Túrkııanyń Belek qalasynda oqý-jattyǵý jıynyn ótkizip jatqan Qostanaıdyń "Tobyly" Medıash qalasynyń "Gaz Metan" komandasymen joldastyq kezdesý ótkizedi. Rýmyndyqtardyń 1945 jyly qurylǵan bul komandasy Birinshi lıgada 2010/2011 jylǵy maýsymda 7-oryn alǵan bolatyn.
Sergeı Maslenov jattyqtyratyn qostanaılyqtar 3 aqpanda Chehııanyń Gradets-Kralove qalasynyń «Gradets-Krylova» komandasyn utqan bolatyn. Onda aldymen oıynnyń ekinshi jartysynda Baýyrjan Jolshıev esep ashty. 11 metrlik aıyp dobyn múlt jibermegen Mensýr Kýrtıshı ony 2:0-ge jetkizdi.
Jalpy "Tobyldyń" Belektegi ekinshi oqý-jattyǵý jıyny 31 qańtarda bastalǵan bolatyn. Ol 14 aqpanǵa deıin jalǵaspaq. Merzim aıaqtalysymen komanda Qostanaıǵa oralady.
