Qostanaılyq fýtbolshylar Premer-lıgadaǵy el chempıonatynda kósh bastap kele jatyr
ALMATY. 7 mamyr. QazAqparat - Keshe fýtboldan Premer-lıgadaǵy el chempıonatynyń 9-týry ótti.
Bul joly ótken týrlarǵa qaraǵanda komandalar arasynda qarsylasyn asa iri eseppen utqan eshkim bolǵan joq. Atap aıtqanda "Astana" men "Shahter", "Qaısar" men "Oqjetpes"arasyndaǵy oıyn 1:0, "Aqtóbe" men "Tobyl" kezdesýi 0:1 bop aıaqtaldy. Al «Suńqar» men «Atyraý» arasyndaǵy oıynda esep ashylmasa, «Taraz» ben «Qaırat» saıysy 2:1, «Jetisý» men «Ertis» tartysy 1:2, «Ordabasy» men «Aqjaıyq» arasyndaǵy matchta 2:0 esebi tirkeldi. Sonyń nátıjesinde upaı joǵaltqan oraldyqtardan kóshbasshylyq tizgindi bul joly qostanaıdyń "Tobyly" óz qolyna aldy. Olardyń qorjynynda 20 upaı bar. Odan keıingi oryndarda bir-birinen 1 upaıǵa keıin qalyp qoıǵan Oral ("Aqjaıyq"), Taraz ("Taraz"), Pavlodar ("Ertis"), Qaraǵandy ("Shahter"), Shymkent («Ordabasy») aıaqdopshylary kele jatyr. Al atyraýlyqtar - 12, aqtóbelikter - 11, Almaty («Qaırat»), Astana, Qaskeleń («Suńqar») fýtbolshylary - 10, qyzylordalyqtar («Qaısar») - 7, taldyqorǵandyqtar («Jetisý) - 6, kókshetaýlyqtar («Oqjetpes») - 3 upaımen 7-14 oryndarǵa taban tireýde.
