Qostanaılyq fýtbolshylar máskeýlikterdi 1:0 esebimen utty
ALMATY. 5 naýryz. QazAqparat - Ótken senbi kúni Túrkııada «Qaırat» pen «Torpedo» fýtbol klýbtary joldastyq kezdesý ótkizdi.
Vıacheslav Groznyı jattyqtyratyn qostanaılyqtar bul oıynda máskeýlikterden 1:0 esebimen basym tústi. Bul olardyń 20 aqpanda bastalǵan úshinshi oqý-jattyǵý jıynyndaǵy sońǵy joldastyq kezdesýi bolatyn.
Buǵan deıin «Tobyl» 21 aqpanda Ýkraınanyń Donetsk qalasynyń «Shahterin» 5:1, 23 aqpanda Reseıdegi Orynbordyń «Gazovıgin» 2:1, 27 aqpanda Ózbekstannyń Mýbarek qalasynyń «Mashal» komandasyn 3:1 esebimen utqan bolatyn. Endi Túrkııadaǵy oqý-jattyǵý jıyndaryndaǵy jeńister toptamasyn 10-ǵa deıin jetkizip otyr. Olar onda 2 oıynda ǵana qarsylastarymen teń esepti qanaǵat tutty.
Qostanaılyq aıaqdopshylar Túrkııadan óz qalasyna 7 naýryzda oralmaq. Olar el chempıonatyndaǵy alǵashqy matchyn 10 naýryzda Almatynyń «Qaıratymen» Zatabolda ótkizedi.
