Qostanaılyq eks-depýtatqa jeńgetaılyqpen aınalysqan degen aıyp taǵyldy
QOSTANAI. QazAqparat - Rýdnyı qalalyq máslıhatynyń burynǵy depýtaty ıÝlııa Karalashqa qatysty qylmystyq is sotta qaralady, dep habarlaıdy QazAqparat tilshisi.
Rýdnyı qalalyq sotyna QR QK 309-baby 2-bóligi 2-tarmaǵy («Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq») boıynsha aıyptalǵan Rýdnyı qalalyq máslıhatynyń burynǵy depýtaty ıÝlııa Karalashqa qatysty qylmystyq is tústi. ıÝlııa Karalash depýtat mandatynan aıyrylyp, «Nur Otan» partııasynyń músheliginen shyǵaryldy.
Eske salsaq, halyq qalaýlysy ústimizdegi jyldyń 9 qyrkúıeginde 29 jastaǵy Rýdnyı qalasynyń turǵynyna 24 jastaǵy qyzdy 60 myń teńgege usynǵan.
Іs materıaldaryna sáıkes, qylmystyq isti qaraý kezinde sotqa shaqyrylǵan adamdardyń ishki ómirine qatysty máseleler qaralatyn bolady.
QR QPK 29-baby 1-bóligi talaptaryna sáıkes, sot isine qatysatyn adamdardyń jeke ómirine qatysty málimetterdiń jarııa etilýin bolǵyzbaý maqsatynda sot qylmystyq isti jabyq túrde ótkizýge sheshim qabyldady.
Basty sot otyrysy jaqyn kúnderge taǵaıyndaldy.
