Qostanaılyq dárigerlerge 26 sanıtarlyq kólik tapsyryldy
QOSTANAI.QazAqparat – Búgin oblys ákimi Arhımed Muhambetov oblys emhanalaryna 26 sanıtarlyq avtokóliktiń kiltin tabystady. Bul týraly aımaq basshysy áleýmettik jelide jazdy, dep habarlaıdy QazAqparat tilshisi.
Oblys basshysy tapsyrǵan ár kólik shuǵyl medıtsınalyq kómek kórsetý úshin zamanaýı jabdyqtarmen jabdyqtalǵan. Kólik ishinde defıbrılıator apparaty, patsıenttiń tynys-tirshiligin baqylaýǵa arnalǵan monıtor, ottegi qory joǵary ÓJJ apparaty, EKG apparaty, aspırator bar.
«Óńirlerdiń qajettilikterin eskere otyryp, avtokólikterdi bólýdi júrgizýdi tapsyrdym. Sonymen qatar jańa juqpaly aýrýlar aýrýhanasyna bardym. Densaýlyq saqtaý basqarmasynyń basshysy V.Dýdnıktiń baıandamasyn tyńdadym. Іndettiń jańa tolqynyna daıyndyq sheńberinde 200 kereýettik jańa ınfektsııalyq ortalyqtyń, onyń ishinde 20 reanımatsııalyq jáne qarqyndy terapııanyń qurylysy aıaqtalýda. Aýrýhana ǵımaraty 8 bólikten turady. 79 ÓJJ apparaty satyp alyndy jáne jetkizildi, taǵy 85 otandyq óndiris apparatyn jetkizý josparlanyp otyr. Ortalyq joǵary tehnologııalyq medıtsınalyq jáne zerthanalyq qurylǵylarmen jabdyqtalǵan. Juqpaly aýrýlar aýrýhanasy qabyldaýdy 10 qazanda bastaıdy. Qazirgi ýaqytta qajetti medıtsınalyq jabdyqtar ornatylýda. Josparlanǵan barlyq jumystardy jedel rejımde aıaqtaýdy tapsyrdym», dep jazdy óńir ákimi.
Budan bólek oblys dárigerleri úshin 110 sanıtarlyq avtokólik qosymsha satyp alynǵan, al jedel járdem qyzmetine arnap otandyq 50 reanımobıl jetkizilmek.
