Qostanaılyq dárigerler ústine qaqpa qulaǵan jasóspirimniń ólimine qatysty túsinik berdi
QOSTANAI. QazAqparat — Qostanaıda fýtbol qaqpasynyń qulaýy saldarynan mert bolǵan 16 jastaǵy Namık Shırınovtiń ólimine qatysty densaýlyq saqtaý basqarmasy túsinik berdi, dep habarlaıdy QazAqparat tilshisi.
Vedomstvo ókilderi habarlaǵandaı, jasóspirimniń ishki organdary jaraqattanǵan. Baýyry, ash ishegi jarylyp, gemıperıtoneým, ót perıtonıti dıagnozy qoıylǵan.
«Ota kezinde jáne birneshe ret respýblıkalyq ortalyqtardan keńester aldyq. Birneshe ret telemedıtsına arqyly konsýltatsııa júrgizildi. Dáriger Igor Belobrjıtskıı Nur-Sultanǵa aýystyrý týraly máseleni kóterdi. 15 shildede aýystyrýǵa keńes berildi. Ót perıtonıti kezinde aman qalýǵa tek 1-10% úmit bar. Balaǵa birqatar operatsııalar jasaldy, biraq 13 shildede onyń jaǵdaıy birden nasharlady. Onyń ahýalyn Syzǵanov respýblıkalyq ortalyǵynyń dárigerlerimen birge talqyladyq. Júrgizilgen ıntensıvti terapııaǵa qaramastan, onyń qanyndaǵy, bıohımııalyq analızderdegi, gemodınamıkadaǵy kúrt ózgeris - ınfektsııalyq-ýytty shokpen baılanysty bolyp otyr», - dep túsindirdi basqarma ókilderi.
Eske salaıyq, Qostanaıda fýtbol qaqpasynyń qulaýy saldarynan 16 jasarjasóspirim zardap shekti. Oǵan birneshe ret ota jasaldy. Dárigerler onyń jaǵdaıyn aýyr dep baǵalady. Bala jasandy jolmen tynys alyp jatqan edi.
