Qostanaılyq dárigerler prokýrorlardyń arqasynda 25 mln. teńge járdemaqy aldy

QOSTANAI. QazAqparat - Uzynkól aýdandyq aýrýhanasynyń qyzmetkerleri prokýrorlyq tekseristen keıin ótken jyldardaǵy saýyqtyrý járdemaqylaryn aldy. Bul týraly «QazAqparat» HAA tilshisi Qostanaı oblystyq prokýratýrasynyń baspasóz qyzmetine silteme jasap.

2014-2015 jylǵy 164 medıtsına qyzmetkeriniń tólenbegen saýyqtyrý járdemaqylarynyń somasy 25 mln-nan astam teńgeni quraǵan. Baqylaý organy bul máseleni aýrýhana qyzmetkerleriniń áleýmettik quqyqtarynyń taptalýy dep baǵalap, mekeme basshylyǵynan jaǵdaıdy qalpyna keltirýdi talap etti.

«Uzynkól OAA» MQK qyzmetkerleri Qostanaı oblystyq prokýratýrasyna alǵys hat jiberdi, - dep habarlady vedomstvonyń baspasóz hatshysy Alma Nurseıitova. - Dárigerler Uzynkól aýdandyq prokýratýra qyzmetkerleriniń áleýmettik quqyq qorǵaý máseleleri boıynsha tekseris júrgizýdegi kásibıligine joǵary baǵa berdi».

Aǵymdaǵy jyly jalpy Uzynkól aýdandyq prokýratýrasy 1792 adamnyń konstıtýtsııalyq quqyǵyn qorǵap, sonyń ishinde eńbekaqyny tóletý boıynsha 81 mıllıonnan astam teńgeni óndirip bergen.