Qostanaılyq dárigerler muz astyna túsip ketken balanyń jaǵdaıyn aıtty
QOSTANAI. QazAqparat – Jitiqara qalasynda muz astyna túsip ketken balanyń densýlyǵy birqalypty. Bul týraly oblystyq aýrýhananyń baspasóz qyzmeti málim etti, dep habarlaıdy QazAqparat.
Qazirgi ýaqytta balanyń jaǵdaıy jaqsy. Jansaqtaý bóliminen jalpy bólimge aýystyryldy.
«2011 jyly týǵan balanyń denesine sýyq ótken. Pnevmonııa dıagnozy qoıyldy. Ómirine qaýip tóndiretin eshteńe joq», - dep atap ótti aýrýhananyń baspasóz qyzmeti.
Eske salsaq, qaıǵyly oqıǵa keshe bolǵan. Polıtseıler jasandy sý qoımasynan úsh balany alyp shyqty. Olar muz ústinde oınap júrgende juqa muz oıylyp, jetkinshekter abaısyzda sýǵa túsip ketken.
