Qostanaılyq dárigerler koronavırýs juqtyrǵan júkti áıel men sábıdi ólimnen qutqaryp qaldy

QOSTANAI.QazAqparat – Bir aıdan astam ýaqyt boıy juqpaly aýrýlar bólimshesiniń dárigerleri júktilik kezinde aýyr halde aýrýhanaǵa túsken Qostanaı turǵyny Janna Ysqaqovanyń ómiri úshin kúresti, dep habarlaıdy QazAqparat oblystyq densaýlyq saqtaý basqarmasyna silteme jasap.

Janna Iskakova keshe ǵana aýrýhanadan shyǵyp, aılyq sábıin alǵash ret kórip, qolyna aldy.

Qyz bala juqpaly aýrýlar bóliminiń perzenthanasynda dúnıege keldi. Jannanyń ózi 3 maýsymnan 20 shildege deıin ınfektsııalyq bólimde boldy. J úktiliktiń 33-aptasynda ókpesiniń 85%-y zaqymdanǵan.

«Osy ýaqyt ishinde men reanımatsııada jatyp, ólim men ómir d iń arasynda boldym. Shyn máninde, óte qorqynyshty. Mundaıdy eshkimniń basyna bermesin. Mynda kóptegen adamdar emdelip jatyr. Árkimniń basynan ótken óz oqıǵasy, qaıǵysy bar, – dep Janna ótken kezeńdi eske alady. – Men adamdardy ekpe salýǵa shaqyramyn. Basyma túspeıdi dep oılamańyz, odan eshkim saqtandyrylmaǵan. Ekpe alyp, densaýlyqtaryńyzdy kútińizder».

Týǵan qyzyna keler bolsaq, ol qazir týystarynyń qaraýynda. Osy ýaqyt ishinde Janna jansaqtaý bóliminen palataǵa aýystyryldy, qyzyn tek beıne baılanys arqyly kórip otyrdy.

«Sábı búkil bólimsheniń jiti nazarynda boldy, – deıdi bólimshe meńgerýshisi Karına ıÝsýpova. – Jylaǵanyn estımiz, qalaı jýyndyrǵanyn, tamaqtandyrǵanyn, kıindirgenin kóremiz».

Juqpaly aýrýlar bóliminiń meńgerýshisiniń aıtýynsha, Jannanyń ómiri úshin tek ınfektsıonıster men reanımatologtar ǵana emes, úsh balanyń anasyn qutqarýǵa gınekologtar, pýlmonologtar, ýrologtar, kardıologtar, terapevtter qatysty. Náreste neonatologtardyń muqııat baqylaýynda boldy.

Jannany sábıdiń shildehanasy, 1 jasqa tolǵan týǵan kúni, basqa da mańyzdy otbasylyq merekeler kútip tur. Alaıda kóp qonaq shaqyryp, toı jasamaıtynyn aıtty. Sebebi otbasy densaýlyqty birinshi orynǵa qoıady.