Qostanaılyq dárigerdi óltirgen qylmysker Bashqurtstanda bolýy múmkin
ASTANA. QazAqparat - Qostanaılyq psıhıatr Rashıda Sandybaevany óltirgen qandyqol qylmyskerdi izdeýde marqumnyń týystary Bashqurtstan turǵyndarynan kómek suraýda, dep habarlady Sputnik.fm .
Marqumnyń týystarynyń boljaýynsha, qylmysker Bashqurtstanda jasyrynýy múmkin. Qaıǵyly oqıǵa aqpan aıynda Qazaqstanda bolǵan edi.
59 jastaǵy marqum áıeldiń týystary Bashqurstan halqynan kómek suraýda. Olardyń boljamynsha, kúdikti Bashqurtstanda jasyrynýy múmkin.
Eske sala ketsek, 20 aqpan kúni tanymal dáriger, oblystyq psıhıatrııalyq dıspanserdiń burynǵy bas basshysy Rashıda Sandybaevanyń qatygezdikpen óltirip ketti. Qylmys jasaýda kúdikti retinde eki adam anyqtaldy, keıinirek psıhonevrologııalyq dıspanser bóliminiń meńgerýshisi, 45 jastaǵy Záýresh Izaldına ustaldy. Kisi óltirý tapsyrysyn oryndaǵan Rýslan Gafarovqa izdeý jarııalandy.
Buǵan deıin kúdikti Izaldınanyń ózin 2 aıǵa qamaý týraly sheshim jóninde shaǵym túsirýge árekettengeni habarlanǵan edi.
Aıta keterligi, Rashıda Sandybaeva uzaq ýaqyt boıy Qostanaı oblystyq psıhıatrııalyq dıspanserdiń bas dárigeri bolyp qyzmet etken.
