Qostanaılyq dáriger vaktsına saldyrǵannan keıingi jaǵdaıyn aıtty

QOSTANAI. QazAqparat – Qostanaı qalasy №2 emhanasynyń bas dárigeri Samat Shúmenbaev koronavırýs ınfektsııasyna qarsy vaktsınanyń qos komponentin alǵashqylardyń biri bolyp saldyrtyp, QazAqparat tilshisine jaǵdaıy týraly baıandap berdi.

Dáriger vaktsınany alǵashqylardyń biri bolyp qabyldaǵandar qatarynda boldy.

«Jyl boıy koronavırýspen aýyrmaǵan edim, biraq aýrýǵa shaldyqpaýym ekitalaı ekenin bilip, vaktsınalaýdan óttim. Birinshi komponentti saldyrtqan soń úsh aptadan keıin ekinshisi egildi. Barlyǵy qalypty túrde ótti. Birinshi komponentten keıin de, ekinshisinen keıin de eshqandaı ótkir belgiler bolǵan joq. Birinshi komponentten keıin týra bir táýlik boıy JRVI bastalar aldynda bolatyndaı álsizdik sezildi. Bul - aǵzanyń alǵashqy táýlik ishinde bolýy múmkin reaktsııasy», - dep baıandaıdy dáriger.

Dáriger bir táýlikten soń joǵaryda atalǵan barlyq belgilerdiń tolyq joıylatyny tańqaldyratynyn atap ótti.

«Vaktsına komponentin qabyldaǵan soń medıtsına qyzmetkeri sizdi jarty saǵat boıy baqylaıdy. Odan keıin úsh kún boıy meıirbıke patsıentke telefon shalyp, jaǵdaıyn surap otyrady. Vaktsına bar, ony egý kerek dep sanaımyn. Bul óz qaýipsizdigińiz úshin qajet», - deıdi ol.

Immýndaý kezeńi bastalǵaly 9330 adamǵa vaktsına egildi, sonyń ishinde bir komponetpen - 7072 adamǵa, eki komponentpen – 2258 adamǵa egilgen.

Immýndaýdan keıin jaǵymsyz belgilerdiń paıda bolý oqıǵalary tirkelgen joq.

Turǵyndardyń barlyq sanatyn ımmýndaý úshin «Gam-Kovıd-Vak» vaktsınasy qoldanylýda.