Qostanaılyq baıkerdiń ólimine kináli 4 jylǵa sottalýy múmkin
QOSTANAI. QazAqparat - Qostanaı qalalyq sotynda mototsıklshiniń ólimine ákelip soqqan jol apatyna baılanysty jaryssózder aıaqtaldy, dep habarlaıdy QazAqparat tilshisi.
Buǵan deıin habarlaǵanymyzdaı, 2017 jylǵy 21 qyrkúıek kúni Qostanaı qalasynyń Abaı dańǵylynda Infiniti men Peugeot kólikteri soqtyǵysyp, olardyń biri ekpinmen kelip, mototsıklge baryp soǵylǵan. Soqqynyń qatty bolǵany sonshalyq, mototsıkl temir úıindige aınalǵan. Al 32 jastaǵy kásibı baıker Evgenıı Pasechnık oqıǵa ornynda kóz jumdy.
Atalǵan oqıǵaǵa qatysty qozǵalǵan qylmystyq istiń tergelý barysyn protsessýaldyq prokýror óz baqylaýyna alǵan.
Sotta ótken jaryssózde memlekettik aıyptaýshy Infiniti kóliginiń júrgizýshisi ıÝlııa Vılchýkti 4 jylǵa bas bostandyǵynan aıyrýdy jáne 5 jyl kólik júrgizý quqyǵynan shettetýdi surady.
Aıyptalýshy ıÝlııa Vılchýk óz kinásin tolyqtaı moıyndady.Biraq, onyń sózinshe, jol-kólik oqıǵasyna basqa da kólik júrgizýshileri kináli. Al jábirlenýshi tarap memaıyptaýmen kelisip, kúdiktini qatań jazalaýdy surap otyr.
Úkim 15 aqpanda shyǵady.
