Qostanaılyq áıelder avtosherýge shyqty
QOSTANAI. QazAqparat - Halyqaralyq áıelder kúni merekesi qarsańynda Qostanaı oblysynyń jastar resýrstyq ortalyǵy avtosherý uıymdastyrdy, dep habarlaıdy QazAqparat tilshisi.
Osymen úshinshi márte ótkizilip otyrǵan avtosherýge tek qana názik jandylar qatysty. Avtosherý «Astyqjan» saýda ortalyǵynan bastalyp, «Qostanaı Plaza» oıyn-saýyq, saýda ortalyǵy márege jetti.Qostanaı oblysy jastar resýrstyq ortalyǵynyń qyzmetkeri Jupar Qojahmettiń sózinshe, bul sharanyń talaby bireý-aq. Boıjetkender jol qozǵalysy erejelerin saqtap, márege birinshi jetýi tıis.
«Avtosherýge 20-dan astam kólik qatystyryldy. Barlyǵynyń kólikteri tehnıkalyq talaptarǵa saı boldy. Olar márege deıin jol-patrýldik polıtsııasy qyzmetkerlerimen birge júrdi. Ár qatysýshy avtokólikti ózderiniń qalaýy boıynsha bezendirdi. Qatysýshylardyń bárine birdeı syılyqtar berildi. Keıin solardyń qurmetine kontserttik baǵdarlama qoıyldy», - dedi ol agenttik tilshisine.
Uıymdastyrýshylar «Eń kreatıvti bezendirý» atalymynda jeńiske jetken Áıgerim Qazanbasovany marapattady. Onyń jasy 21-de, mamandyǵy - arhıtektor. Áıgerim bul sherýge birinshi ret qatysyp otyr.
Jastar ortalyǵynyń málimetinshe, mundaı avtosherýler endi dástúrli túrde ótkiziledi.
