Qostanaılyq áıel sasqanynan esirtkini jutyp qoıa jazdady
QOSTANAI. QazAqparat - Polıtseıler Qostanaı qalasynda esirtki tasymaldady degen kúdikpen 38 jastaǵy kelinshekti ustady, dep habarlaıdy QazAqparat oblystyq ІІD baspasóz qyzmetine silteme jasap.
Tártip saqshylary esirtki tasymalymen aınalysyp júrgen áıeldi qaladaǵy úıinen ustady.
«Ol tergeý barysynda 10 keliden astam geroındi jutyp qoımaq bolǵan. Biraq, polıtseıler der kezinde toqtata bildi. Buǵan qosa páterden elektrondy tarazy tabyldy. Kúdiktiniń úsh ápkesimen birge páter jaldap turatyny anyqtaldy», - delingen ІІD baspasóz qyzmeti taratqan habarlamada.
Ustalǵan áıel buǵan deıin de qylmystyq jaýapkershilikke tartylǵan. Qazir QR QK 296-baby, 4 tarmaǵy boıynsha qylmystyq is qozǵaldy.
