Qostanaılyq aıaqdopshylar orynborlyq qurdastarynan 2:1 esebimen basym tústi
ALMATY. 24 aqpan. QazAqparat - Keshe Túrkııada oqý-jattyǵý jıynyn ótkizip jatqan «Tobyl» fýtbol klýby 2-joldastyq kezdesýin ótkizdi.
Buǵan deıin Ýkraınanyń Donetsk qalasynyń «Shahterin» 5:1 esebimen oısyrata utqan qostanaılyqtar bul joly Orynbordyń «Gazovık» komandasynan 2:1 esebimen basym tústi. Vıacheslav Groznyı jattyqtyratyn «Tobyl» sapynan atalmysh kezdesýde jartylaı qorǵaýshylardan Nurbol Jumasqalıev pen Sergeı Kostıýk mergendigimen tanyldy. Qostanaılyqtar endi 27 aqpanda «Mashal» komandasymen kúsh synaspaq. Mýbarek qalasynyń bul komandasy Ózbekstan chempıonatynyń Joǵarǵy lıgasynda byltyr 5-oryn alǵan bolatyn.
