Qostanaılyq aıaqdopshylar Avstrııanyń «Sankt-Pelten» komandasyn 2:1 esebimen jeńdi
ALMATY. 13 aqpan. QazAqparat - Qostanaıdyń «Tobyl» fýtbol komandasy Túrkııadaǵy úshinshi oqý-jattyǵý jıynyn sátti aıaqtady.
Keshe olar Avstrııanyń «Sankt-Pelten» komandasymen bolǵan baqylaý matchynda 2:1 esebimen jeńiske jetti. Bul oıynda qostanaılyqtar sapynan Ermek Qýantaev pen Mensýr Kýrtıshı (penaltıden) mergendik kórsetti. Sankt-Pelten qalasynyń bul komandasy 2000 jyly qurylǵan edi. 2007-2008 jyly «Shyǵys» aımaqtyq lıgasynda úzdik shyǵyp, Avstrııa kýbogynyń jartylaı fınalısi atanǵan «Sankt-Pelten», 2008 jyldan beri Birinshi lıgada óner kórsetip júr. Martın Sherb jattyqtyratyn olar 2001/2012 jylǵy maýsymda 5-shi oryn alsa, 2012/2013 jylǵy maýsymda úzdikter qatarynda kele jatyr.
Jıynnyń aqyrǵy kúni «Tobyl» quramy jańa oıynshymen tolyqty. Atap aıtqanda, Shvetsııanyń Sedertele qalasynyń «Sıýrıanska» klýbynda óner kórsetetin 28 jasar jartylaı qorǵaýshy ıÝsýf Salehpen kelisimshart jasaldy. Fýtboldaǵy mansabyn tómengi lıgada bastaǵan ol, 2008-2009 jyldary «AIK» komandasynda Shvetsııa chempıonatynyń jeńimpazy jáne el kýbogynyń ıegeri atanǵan bolatyn. 2010-2012 jyldary «Sıýrıansk» komandasyna jalǵa berilgen bolatyn.
