Qostanaılyq arý jigitimen janjaldasyp qalyp, ózine qol salmaq bolǵan

QOSTANAI. QazAqparat - Qostanaılyq polıtseıler qaıǵyly jaǵdaıdyń aldyn aldy, dep habarlaıdy QazAqparat Polisia.kz-ke silteme jasap.

Lısakov qalasynyń «102» pýltine Áıet ózeniniń jartasynda bir qyzdyń turǵany, sýǵa qulap ketýi múmkin ekendigi týraly qońyraý túsken. Oqıǵa ornyna dereý polıtsııa qyzmetkerleri Seıl Qurbanov pen Áıten Shaıdanovtyń quramyndaǵy avtopatrýl jiberildi. Olar qyzdy jedel taýyp, qaıǵyly oqıǵanyń aldyn aldy.

«Biz aıtylǵan orynǵa ýaqytynda keldik, óıtkeni 18 jasar qyz kúızelis jaǵdaıynda boldy. Onyń bıik jaǵalaýda turýyna jas jigitpen janjal sebep bolǵan», – dedi Seıil Qurbanov.

Qyzdyń ákesi patrýldik polıtsııa qyzmetkerlerine alǵysyn aıtty. Qazirgi ýaqytta onymen psıhologtar jumys istep jatyr.