Qostanaılyq advokat zardap shekken azamatshany zańsyz bas bostandyǵynan aıyrdy
QOSTANAI. 23 aqpan. QazAqparat /Petr Plahotnıkov/ - Qostanaıda oblystyq ІІD Uıymdasqan qylmysqa qarsy kúres basqarmasynyń qyzmetkerleri 37 jastaǵy Jomart Muqanov esimdi advokatty tutqyndady.
Oǵan Rýdnyı qalasynyń azamatshasyn zańsyz bas bostandyǵynan aıyrdy degen aıyp taǵylýda.
Uıymdasqan qylmysqa qarsy kúres basqarmasy bastyǵynyń orynbasary Mereke Álshaǵyrov habarlaǵandaı, 19 jasar qyz zorlaý oqıǵasyna qatysty zardap shekken tulǵa bolyp tabylady. Osy iske qatysty kúdiktilerdiń advokaty ony dámhanaǵa shaqyryp, jaldamaly páterge kúshpen alyp keledi. Sodan keıin qyzdyń uıaly telefonyn tartyp alyp, osy páterde birneshe kún qatarynan zańsyz qamaýda ustaıdy. Zardap shekken azamatshanyń aıtýynsha, advokat ony kúdikti azamattarǵa qatysty jalǵan kýágerlik jasaýǵa úgittegen.
15 aqpan kúni advokat zardap shekken azamatshany kezekti sot otyrysyna alyp kelgende, ony polıtseıler tutqynǵa aldy. Kúdikti azamat qandaı da bir anyqtama berýden bas tartty.
Qazirgi ýaqytta ol tutqynǵa alyndy. QR QK 126-baby 2-taraýy «Zańsyz bostandyqtan aıyrý» jáne QR QK 354-babynyń «jalǵan kýágerlik jasaýǵa ıtermeleý jáne satyp alý» boıynsha qylmystyq ister qozǵaldy.
