Qostanaılyq 3 jyl ózgeniń balasyna alıment tólep kelgen
QOSTANAI. QazAqparat - Qostanaı oblysynyń turǵyny ózgeniń balasy úshin alıment tólep kelgen, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterine qaraǵanda, er adam áıelimen 2012-2015 jyldar aralyǵynda nekede boldy. Osy aralyqta olardyń qyzy dúnıege kelgen. Ajyrasqan soń er adam zań boıynsha, alıment tólep, qyzymen araqatynasyn úzbegen. Demalys kúnderi úıine alyp ketip otyrǵan.
«2017 jyldyń jeltoqsanynda burynǵy áıeli turmysqa shyǵatynyn habarlap, baladan bas tartýyn suraǵan. Sol ýaqytta ákesi kúmándanyp, DNQ saraptamasyn jasatady. Zertteý nátıjeleri boıynsha, qyzdyń ákesi basqa er adam ekeni anyqtaldy», - delingen oblystyq sottyń baspasóz habarlamasynda.
Osylaısha, aldanyp qalǵan er adam áıelden negizsiz alynǵan 352 121 teńgeni óndirýdi talap etip, alıment tóleýden alyp tastaý týraly aryz jazady. Іs medıatıvti kelisimmen sheshildi.
Sot eki taraptyń sheshimin qanaǵattandyrdy. Endi burynǵy áıeli keltirgen shyǵyn úshin 502000 teńge tóleıdi.
