Qostanaılyqtarǵa jylý úshin 25 mln teńgeden asa qarajat qaıtarylady
ASTANA. KAZINFORM — Eseptegish quraldary joq jáne jylý aqysyn normatıv boıynsha tóleıtin Qostanaı oblysynyń turǵyndaryna ótken jylytý maýsymy úshin qaıta esepteý júrgiziledi. Qaıtarylatyn qarajattyń jalpy somasy — 25,7 mln teńge(QQS-pen qosa), dep habarlaıdy Kazinform tilshisi.
Qostanaı oblysy boıynsha Tabıǵı monopolııalardy retteý komıteti departamenti 2025–2026 jyldardaǵy jylytý maýsymy qorytyndysy boıynsha jylýmen jabdyqtaýshy uıymdardyń jumysyna taldaý júrgizdi.
Tekserý jylý energııasyn esepke alý quraldary joq turmystyq tutynýshylarǵa qatysty boldy. Mundaı turǵyndarǵa tólem belgilengen normatıvter boıynsha esepteledi.
Taldaý nátıjesinde ótken jylytý maýsymyndaǵy naqty aýa raıy jaǵdaılaryn eskere otyryp, tutynýshylarǵa tólengen qarajattyń bir bóligin qaıtarý qajet ekeni anyqtaldy. Qaıta esepteý somasy QQS-syz 22,7 mln teńgeni quraıdy.
Jylýmen jabdyqtaýshy uıymdar qaıta esepteýdi 20 shildege deıin júrgizýi tıis. Qaıtarylatyn soma túbirtekterde 2025–2026 jylǵy jylytý maýsymy úshin qaıta esepteý retinde jeke jolmen kórsetiledi.
Eń kóp qarajat oblys ortalyǵy turǵyndaryna — 13,3 mln teńge, Rýdnyı qalasyna — 3,2 mln teńge jáne Jitiqaraǵa — 4,5 mln teńge kóleminde qaıtarylady.
Departamentte qaıta esepteý tek jylytý aqysyn normatıv boıynsha tóleıtin tutynýshylarǵa ǵana qatysty ekenin eske saldy.
Buǵan deıin Energetıka mınıstrligi jylytý maýsymynyń qorytyndysyn shyǵarǵanyn jazǵanbyz.
Sonymen qatar búgin Úkimet SQO-daǵy jylý magıstrali qurylysyna 650 mln teńgege jýyq qarjy bólgeni belgili boldy.
