Qostanaılyqtar zırat mańynda úıilgen qoqysqa shaǵymdandy
ASTANA. KAZINFORM — Qostanaıdaǵy qalalyq zırattyń mańynda úıilgen qoqystyń beınejazbasy áleýmettik jelilerde tarady.
Qala ákimdiginiń málimetinshe, Ata-analar kúni qarsańynda zıratqa halyq kóp jınalyp, beıit basyna kelýshiler onyń aınalasyn retke keltirgen. Jınalǵan qoqysty ýaqytsha bir aýmaqqa úıip tókken.
Atap ótilgendeı, zıratqa qyzmet kórsetetin merdiger uıym jınalǵan qaldyqtardy josparly túrde shyǵarý jumysyna kiristi.
Bılik ókilderi aýmaq tolyq tazartylǵanǵa deıin jumystar jalǵasatynyn málimdedi.
Buǵan deıin Qyzylordada 20 myńnan astam turǵyn kıeli oryndar men zırattardy tazalaǵany týraly jarııaladyq.
