Qostanaılyqtar bir jylda eki ret baspanasynan aıyryldy: bireýi órtense, ekinshisin sý basty
QOSTANAI. KAZINFORM – Jaqynda Qostanaı oblysynyń turǵyny Ádına Erjanovanyń úıinde órt boldy. Úı birtindep qalpyna keltirildi, biraq sodan keıin ony erigen qardyń sýy basyp qaldy. Qazir bul úı is júzinde jóndeýge kelmeıdi.
Erjanovtar otbasy «Vesna» baý-baqsha seriktestiginde 2019 jyldan beri turyp keledi. Sý tasqyny úıge kelgen jalǵyz apat emes: otbasy buǵan deıin órtten aman qaldy. Barlyǵyn birneshe jyl boıy óz kúshimen birtindep qalpyna keltirdi. Ókinishke qaraı, 2024 jyldyń kókteminde otbasyǵa taǵy bir aýyr jaǵdaıdy bastan ótkerdi.
«5 sáýirde Qostanaı pablıkteriniń birinen bizdiń aýdandarda sý tasqyny bolady degen eskertýdi kórdim. Sol kúni qaladan 250 shaqyrym jerdegi Jitiqaraǵa ata-anamyzǵa qonaqta boldyq. Tústen keıin birden úıge jol tarttyq. Úıimizge keshke ǵana keldik, birden zattardy (kıim) jınaı bastadyq. Sol kúni páter jaldap, kelesi kúni múlikti tasymaldaý úshin qaıta oraldyq. 6 sáýir kúni tústen keıin aýyr júkti tasymaldaý úshin úlkenirek kólik jaldadyq, biraq biz oǵan eshteńe tıeı almadyq – aýmaqqa sý tez keldi. Kúıeýim úıdegi zattardy joǵary kóterý úshin qaıta kirdi», – deıdi Ádına.
Otbasynda 4 adam, onyń ishinde eki bala bar. Ol «Vesna» baý-baqsha seriktestigi jaı ǵana saıajaı emes, munda adamdar turaqty turatynyn, keıbir kóshelerge gaz tartylyp qoıǵanyn aıtty.
«Bıyl gaz tartamyz dep edik: barlyq qujat daıyndaldy. Gazdyń qosylatynyn kúttik, biraq qazir úı joq», - deıdi áıel.
Evakýatsııa jáne sý tasqynyna qarsy is-sharalarǵa keletin bolsaq, otbasy zattaryn shyǵarý kezinde eshqandaı qozǵalysty baıqamaǵan.
«6 sáýirde bizdiń jaqta evakýatsııa bolǵan joq, biz oqıǵa ornynda boldyq jáne eshkimdi kórmedik. Kalanyń KJBI kópirinde jumys júrgizilgen joq. Muz seńderi jolyndaǵynyń bárin qıratyp, bizdiń ýchaskeler arqyly tikeleı qozǵaldy. Olar tek ortalyq kópirde jumys istep, barlyq reportaj tek sol jerden túsirilgen», - deıdi áıel.
Ókinishke qaraı, tabıǵı apat saldarynan 100-den astam sharshy úı-jaı sý astynda qaldy. Apat aýmaǵyna tek bir aptadan keıin kirip, shyǵyndy baǵalaı aldyq.
«Kópir jabylǵandyqtan, úıge 14 sáýirde ǵana kire aldyq. Shyǵyn kóp boldy: úıde jatyn bólmesiniń jıyntyǵy, dıvan, úlken kondıtsıoner, as úı jıyntyǵy, elektr plıtasy, tońazytqysh, balalar jatyn bólmesiniń jıyntyǵy, qurylys materıaldary, kir jýǵysh mashına qaldy. Bizdiń kóligimiz de sý astynda qaldy. Úı qazir jóndeýge kelmeıdi, eki qabyrǵasy qulaǵan. Іshki qabyrǵalardyń bári qısaıdy. Úı qalpyna keltirýge jáne turýǵa jaramaıdy», - dep túsindirdi A.Erjanova.
Erli-zaıyptylar birjolǵy áleýmettik tólem jáne keltirilgen shyǵyn ótelý úshin jergilikti ákimdikke ótinish berip úlgergen. Ókinishke qaraı, olar sýdy ózderi tartyp shyǵarýǵa májbúr boldy. ol úshin otbasy óz qarajatyna tehnıkany, sýdy sorǵylaý úshin motopompany jáne sýdy tezirek aǵyzýǵa kómektesetin traktorlardy óz qarajatyna jaldaýǵa májbúr boldy. Óıtkeni úıdegi sý áli de tizeden keletin.
«Úıimizdi qalpyna keltirýdiń máni joq. Shyǵyndarymyzdy, joǵaltqanymyzdyń barlyǵyn memleket óteıdi dep senemiz. Osynyń negizinde biz bolashaq ómirimizdi quratyn bolamyz», - dep atap ótti áıel.
Qostanaı oblysynyń ákimdigi qazir qujattar qabyldanyp jatqanyn túsindirdi. Jumys mehanızmi endi ǵana qarastyrylyp jatyr. Qostanaı oblysynyń ákimi Berik Tańjaryqov zardap shekken turǵyndarmen kezdesýinde jumystyń júrip jatqanyn aıta kelip, barlyǵyn sabyrǵa shaqyryp, eń aldymen baspanasyz qalǵan jáne shuǵyl muqtaj jandarǵa kóńil bólýdi surady.
