Qostanaılyq oqýshy sý tasqyny kezinde kópirlerdi qıraýdan qorǵaıtyn qurylǵy ázirledi

ASTANA. KAZINFORM – Qostanaı aýdany Aleksandr mektebiniń 10-synyp oqýshysy Vıktor Ryjkov ustazy Vıtalıı Bazarkınniń jetekshiligimen sý deńgeıiniń kúrt kóterilýi kezinde kópirlerdiń buzylýyna jol bermeıtin «Smart Bridge» ınnovatsııalyq júıesin qurastyrdy.

Bul ıdeıa Vıktorǵa 2024 jylǵy kóktemgi sý tasqynynan keıin kelgen.

Avtomattandyrylǵan júıe sý deńgeıiniń krıtıkalyq kóterilýiniń aldyn alady: datchıkter aldymen qaýipti tirkeıdi, al baǵdarlamalanǵan Arduino mıkrokontrolleri kópirdi birden kóterý mehanızmin iske qosady, ony tipti kúshti aǵynmen de buzýdan qorǵaıdy.

«Meniń maqsatym — adamdar men ınfraqurylymnyń sý tasqynyna daıyn bolýyna kómektesetin júıeni qurý. Jobany jasaý barysynda kóterý mehanızmin tańdaý qıyndyq týdyrdy, biraq ony sátti júzege asyra aldyq», — deıdi Vıtalıı Bazarkın.

Bolashaqta Vıktor kópirdi kóterý fýnktsııasyn jáne shuǵyl qyzmetterge avtomatty túrde habarlama jiberetin radıo ıntegratsııany qosý arqyly modeldi jetildirýdi josparlap otyr, bul dabylǵa jedel jaýap berýge múmkindik beredi.

Joba qazirdiń ózinde joǵary baǵalanyp, «Uly ónertabysqa alǵashqy qadam» Respýblıkalyq ınnovatsııalyq ıdeıalar baıqaýynda «Ónerkásip salasyndaǵy tehnıkalyq qurylys» nomınatsııasy boıynsha birinshi orynǵa ıe boldy.

Aıta keteıik, Prezıdent ónertabystardy quqyqtyq qorǵaýǵa qatysty qujatqa qol qoıǵan bolatyn.