Qostanaılyq kásipker 2 myń gektar orman qoryn zańsyz ıelenbek bolǵan
Qostanaı oblysy Qarabalyq aýdanynyń prokýratýrasy memlekettik orman qory ýchaskelerinde uzaq merzimdi orman paıdalanýdy usynýdyń zańdylyǵyn taldaý barysynda orman zańnamasynyń buzylǵanyn anyqtady, dep habarlaıdy QazAqparat.
"Máselen, 2019 jyly «Mıhaılov orman sharýashylyǵy mekemesi» KMM men «S.P. Jýleva» sharýa qojalyǵy arasynda aýdany 2 201,9 ga memlekettik orman qory ýchaskelerinde 49 jylǵa deıingi merzimge uzaq merzimdi orman paıdalaný sharty jasaldy.
2021 jyldyń naýryzyńda «S.P. Jýleva» ShQ óz sheshimimen sharýa qojalyǵynan «Shaǵataı Agro» JShS-ne bólý jolymen jalǵan qaıta qurýdy júrgizedi, onyń quryltaıshysy da S.P. Jýleva.
2021 jyldyń sáýirinde Mıhaılovsk orman sharýashylyǵy mekemesi «Shaǵataı Agro» JShS-men 49 jylǵa deıingi merzimge orman paıdalaný quqyǵymen qosymsha kelisim jasasady.
Alaıda, Orman kodeksiniń 35-babyna engizilgen ózgeristerge sáıkes 2021 jyldyń basynan bastap memlekettik orman qory ýchaskelerinde orman resýrstaryn uzaq merzimdi orman paıdalanýǵa berý memlekettik múlik tiziliminiń veb-portalyn elektrondyq nysanda paıdalana otyryp, tender ótkizý jolymen ǵana júrgiziledi", - dep jazdy prokýratýradan.
Málimetke qaraǵanda, kadastrlyq quny 30,5 mln teńge bolatyn 2 myń gektar orman qoryn zańsyz ıelikten shyǵarýdyń aldyn alý maqsatynda aýdan prokýratýrasy negizsiz ıelikten shyǵarýdyń aldyn alǵan qadaǵalaý aktisin engizdi.